ہانیہ عامر بولڈ لباس پہننے پر تنقید کی زد میں آگئیں

پاکستان کی مقبول اور بولڈ اداکاراؤں میں شمار ہونے والی ہانیہ عامر ایک بار پھر اپنے منفرد اور بولڈ لباس کی وجہ سے سوشل میڈیا صارفین کے نشانے پر آ گئی ہیں۔ اداکارہ نے حال ہی میں لاہور میں منعقدہ معروف بین الاقوامی لگژری برانڈ وائی ایس ایل (YSL) کے پاکستان میں پہلے فلیگ شپ اسٹور کی افتتاحی تقریب میں شرکت کی۔ اس ہائی پروفائل ایونٹ کے لیے ہانیہ عامر نے سیاہ رنگ کے وائی ایس ایل لباس، ہلکے میک اپ اور ‘ویٹ ہیئر لک’ (Wet Hair Look) کا انتخاب کیا، جس کی تصاویر اور ویڈیوز سوشل میڈیا پر آتے ہی تیزی سے وائرل ہو گئیں۔ اگرچہ بعض مداحوں نے فیشن کے اس مغربی انداز کو بے حد سراہا، تاہم صارفین کی بڑی تعداد نے ان کی اسٹائلنگ اور لباس کو حد سے زیادہ بولڈ قرار دیتے ہوئے انہیں شدید تنقید کا نشانہ بنایا اور اسے ملکی ثقافتی اقدار کے منافی قرار دیا۔