گیم سیریز جی ٹی اے 6 کو ریلیز سے قبل ہی سخت پابندیوں کا سامنا

دنیا بھر میں کروڑوں شائقین کی پسندیدہ اور بے حد مقبول ویڈیو گیم سیریز گرینڈ تھیفٹ آٹو (GTA) کی نئی قسط ‘جی ٹی اے 6’ کی باضابطہ ریلیز سے قبل ہی دنیا کے بعض ممالک میں اس پر پابندی یا سخت ترین پابندیوں کے قوی امکانات پیدا ہو گئے ہیں۔

مختلف ممالک کی حکومتیں اس ویڈیو گیم میں روایتی طور پر موجود شدید تشدد، جرائم کی ترغیب اور بالغوں کے لیے مخصوص مواد (Adult Content) پر اپنے سنگین تحفظات کا کھل کر اظہار کر رہی ہیں۔ اس سلسلے میں تاجکستان نے گیم پر پابندی برقرار رکھنے کا باقاعدہ اعلان بھی کر دیا ہے۔

میڈیا رپورٹس کے مطابق، گیمنگ کی دنیا کے اس سب سے بڑے پروجیکٹ ‘جی ٹی اے 6’ کی متوقع ریلیز 19 نومبر 2026 کو ہونے جا رہی ہے، تاہم ریلیز کی تاریخ قریب آتے ہی بعض ممالک نے اس فرنچائز کے خلاف پہلے سے ہی سخت ترین موقف اختیار کر لیا ہے جس سے لگتا ہے کہ گیم کئی مارکیٹوں میں پیش نہیں کی جا سکے گی۔