یونانی سفیر کی لاہور چیمبر آمد، پاک یونان تجارتی و اقتصادی تعلقات پر اہم تبادلہ خیال

پاکستان میں یونان کی سفیر ایلینی پوریکی (Eleni Pouriki) نے لاہور چیمبر آف کامرس اینڈ انڈسٹری (LCCI) کا دورہ کیا اور صدر چیمبر فہیم الرحمان سہگل سے اہم ملاقات کی۔ اس موقع پر دونوں ممالک کے درمیان دوطرفہ تجارت، اقتصادی تعاون، اور نجی شعبے کے مابین بی ٹو بی (B2B) روابط کو فروغ دینے پر تفصیلی تبادلہ خیال کیا گیا۔ یونانی سفیر نے نشاندہی کی کہ یونان میں ٹیکسٹائل، زراعت اور انجینئرنگ کے شعبوں میں پاکستانی ہنرمند افرادی قوت کے لیے وسیع مواقع موجود ہیں، جبکہ پاکستان یونان کی سیاحتی مہارت اور قابلِ تجدید توانائی کے تجربات سے بھرپور فائدہی اٹھا سکتا ہے۔