عالمی و مقامی مارکیٹ میں سونے کی قیمتوں میں نمایاں کمی

عالمی اور مقامی مارکیٹوں میں سونے اور چاندی کی قیمتوں میں نمایاں کمی ریکارڈ کی گئی ہے۔

بین الاقوامی بلین مارکیٹ میں منگل کے روز فی اونس سونے کی قیمت میں 90 ڈالر کی کمی ہوئی، جس کے بعد سونے کی نئی عالمی قیمت 4,920 ڈالر فی اونس کی سطح پر آ گئی ہے۔

مقامی صرافہ بازاروں میں بھی 24 قیراط فی تولہ سونے کی قیمت میں 9 ہزار روپے کی کمی واقع ہوئی، اور اب فی تولہ سونا 5,14,762 روپے کا ہو گیا ہے۔ اسی طرح فی 10 گرام سونے کی قیمت 7,716 روپے کم ہو کر 4,41,325 روپے کی سطح پر آگئی۔

ملک میں فی تولہ چاندی کی قیمت 150 روپے کمی کے بعد 8,014 روپے ہو گئی، جبکہ فی 10 گرام چاندی 129 روپے سستی ہو کر 6,870 روپے کی سطح پر آ گئی۔