ملک بھر میں سونے کی قیمت میں نمایاں کمی

ملک بھر میں سونے کی قیمتوں میں ہزاروں روپے کی نمایاں کمی ریکارڈ کی گئی ہے۔ آل پاکستان جیمز اینڈ جیولرز ایسوسی ایشن کی جانب سے جاری کردہ اعداد و شمار کے مطابق فی تولہ سونے کی قیمت میں 3 ہزار روپے کی کمی واقع ہوئی ہے، جس کے بعد نئی قیمت 4 لاکھ 37 ہزار 836 روپے ہو گئی ہے۔ اسی طرح 10 گرام سونے کا بھاؤ 2,572 روپے کمی کے بعد 3 لاکھ 75 ہزار 373 روپے پر آ گیا ہے۔ سونے کے ساتھ ساتھ فی تولہ چاندی کی قیمت میں بھی 172 روپے کی کمی دیکھنے میں آئی ہے اور وہ 6 ہزار 360 روپے فی تولہ ہو گئی ہے۔ دوسری جانب بین الاقوامی مارکیٹ میں بھی سونے کی قدر میں 30 ڈالر فی اونس کا مندا ریکارڈ کیا گیا، جس کے بعد عالمی نرخ 4,153 ڈالر فی اونس پر آ گئے ہیں۔