عالمی اور مقامی مارکیٹ میں سونے اور چاندی کی قیمتوں میں نمایاں کمی

عالمی اور مقامی صرافہ مارکیٹ میں سونے اور چاندی کی قیمتوں میں بڑی کمی ریکارڈ کی گئی ہے، جس کے بعد پاکستان میں فی تولہ سونا 7 ہزار روپے سستا ہو گیا ہے۔ صرافہ ایسوسی ایشن کے مطابق 24 قیراط فی تولہ سونے کی قیمت 7 ہزار روپے کی نمایاں کمی کے بعد 4 لاکھ 24 ہزار 536 روپے کی سطح پر آ گئی ہے، جبکہ 10 گرام سونے کا بھاؤ 6 ہزار 1 روپیہ گھٹ کر 3 لاکھ 63 ہزار 971 روپے ہو گیا ہے۔ اسی طرح عالمی مارکیٹ میں بھی سونے کی قیمت 70 ڈالر کی کمی کے ساتھ 4 ہزار 20 ڈالر فی اونس پر ریکارڈ کی گئی۔ دوسری جانب مقامی صرافہ بازار میں 24 قیراط فی تولہ چاندی کی قیمت میں بھی 221 روپے کی کمی دیکھی گئی جس کے بعد نئی قیمت 5 ہزار 865 روپے فی تولہ ہو گئی ہے۔