سونے کی قیمت میں مزید 400 روپے کا اضافہ

کراچی: ملکی اور عالمی صرافہ مارکیٹ میں سونے اور چاندی کی قیمتوں میں اضافے کا سلسلہ جاری ہے، جہاں مقامی سطح پر فی تولہ سونا مزید 400 روپے مہنگا ہو گیا ہے۔

آل پاکستان جیمز اینڈ جیولرز ایسوسی ایشن کے مطابق مقامی اور بین الاقوامی مارکیٹ میں بولین ریٹس میں پیش رفت کے بعد سونا اور چاندی دونوں کی قیمتوں میں بالترتیب اضافہ ریکارڈ کیا گیا ہے۔400 روپے کے اضافے کے بعد فی تولہ سونے کی قیمت بڑھ کر 4 لاکھ 57 ہزار 136 روپے ہو گئی ہے۔10 گرام سونے کے نرخوں میں 343 روپے کا اضافہ ہوا جس کے بعد نئی قیمت 3 لاکھ 91 ہزار 920 روپے مقرر کی گئی ہے۔ عالمی بلین مارکیٹ میں فی اونس سونا 4 ڈالر کی بڑھوتری کے ساتھ 4,346 ڈالر کی سطح پر پہنچ گیا ہے۔ فی تولہ چاندی کے نرخوں میں بھی 53 روپے کا اضافہ ریکارڈ کیا گیا ہے جس سے فی تولہ چاندی 6,924 روپے پر پہنچ گئی ہے۔