عالمی و مقامی سطح پر سونا مہنگا چاندی مستحکم

عالمگیر مارکیٹ میں تیزی کے باعث پاکستان کی مقامی صرافہ مارکیٹ میں بھی سونے کی قیمتوں کو نیا پر لگ گئے ہیں جبکہ چاندی کی قیمتیں مستحکم رہی ہیں۔ آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 900 روپے کا اضافہ ہوا، جس کے بعد نئی قیمت 4 لاکھ 40 ہزار 836 روپے کی سطح پر پہنچ گئی ہے، جبکہ 10 گرام سونے کا بھاؤ 771 روپے بڑھ کر 3 لاکھ 77 ہزار 945 روپے ہو گیا ہے۔ دوسری جانب 24 قیراط فی تولہ چاندی کا بھاؤ بغیر کسی تبدیلی کے 6 ہزار 532 روپے پر برقرارہے، جبکہ عالمی مارکیٹ میں فی اونس سونا 9 ڈالر کے اضافے کے بعد 4 ہزار 183 ڈالر کی سطح پر ریکارڈ کیا گیا۔