عالمی و مقامی سطح پر سونے چاندی کی قیمتوں میں استحکام

عالمی اور مقامی صرافہ مارکیٹوں میں کاروباری روز کے دوران سونے اور چاندی کی قیمتوں میں استحکام ریکارڈ کیا گیا ہے۔ آل صرافہ مارکیٹ اینڈ جیولرز ایسوسی ایشن کے مطابق ملک بھر میں 24 قیراط فی تولہ سونا بغیر کسی تبدیلی کے 4 لاکھ 37 ہزار 536 روپے جبکہ 10 گرام سونا 3 لاکھ 75 ہزار 116 روپے کی سطح پر برقرار رہا ہے۔ اسی طرح فی تولہ چاندی کا بھاؤ بھی 6 ہزار 588 روپے پر مستحکم ریکارڈ کیا گیا ہے، جبکہ عالمی مارکیٹ میں فی اونس سونا 4 ہزار 150 ڈالر کی سطح پر قائم ہے۔