عالمی و مقامی سطح پر سونے چاندی کی قیمتوں میں اضافہ

عالمی اور مقامی صرافہ مارکیٹوں میں قیمتی دھاتوں کی قیمتوں میں ایک بار پھر اضافہ ریکارڈ کیا گیا ہے۔ آل صرافہ مارکیٹ اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 2 ہزار روپے کا اضافہ ہوا ہے جس کے بعد فی تولہ سونا 4 لاکھ 40 ہزار 636 روپے کی نئی بلند ترین سطح پر پہنچ گیا ہے، جبکہ 10 گرام سونے کا بھاؤ 1715 روپے بڑھ کر 3 لاکھ 77 ہزار 774 روپے ہو گیا ہے۔ اسی طرح مقامی مارکیٹ میں 24 قیراط فی تولہ چاندی کا بھاؤ 50 روپے اضافے سے 6 ہزار 578 روپے پر بند ہوا۔ دوسری جانب بین الاقوامی مارکیٹ میں بھی فی اونس سونا 20 ڈالر کے اضافے کے ساتھ 4181 ڈالر کی سطح پر پہنچ گیا ہے۔