عالمی و مقامی سطح پر سونے چاندی کی قیمتوں میں اضافہ

عالمی اور مقامی صرافہ مارکیٹوں میں سونے اور چاندی کی قیمتوں میں نمایاں اضافہ ریکارڈ کیا گیا ہے۔ آل صرافہ مارکیٹ اینڈ جیولرز ایسوسی ایشن کے مطابق 24 قیراط فی تولہ سونا 1200 روپے اضافے سے 4 لاکھ 37 ہزار 536 روپے کا ہو گیا ہے، جبکہ 10 گرام سونے کا بھاؤ 1029 روپے بڑھ کر 3 لاکھ 75 ہزار 116 روپے تک پہنچ گیا ہے۔ دوسری جانب فی تولہ چاندی کی قیمت بھی 66 روپے اضافے کے بعد 6588 روپے ہو گئی ہے، جبکہ انٹرنیشنل مارکیٹ میں فی اونس سونا 12 ڈالر اضافے سے 4150 ڈالر پر بند ہوا۔