سابق امریکی نائب صدر ڈک چینی انتقال کر گئے

سابق امریکی نائب صدر ڈک چینی انتقال کر گئے۔ امریکی خبر ایجنسیوں کے مطابق ڈک چینی طویل علالت کے بعد چل بسے۔
ڈک چینی نے جارج ڈبلیو بش کے دورِ صدارت میں نائب صدر کی حیثیت سے خدمات انجام دیں۔ وہ 2001 سے 2009 تک مسلسل آٹھ برس تک امریکا کے نائب صدر رہے۔ڈک چینی ریپبلکن پارٹی سے تعلق رکھتے تھے اور انہیں امریکی تاریخ کے بااثر ترین نائب دور میں شمار کیا جاتا ہے۔
انہوں نے نائن الیون حملوں کے بعد امریکی خارجہ و دفاعی پالیسیوں میں کلیدی کردار ادا کیا اور عراق و افغانستان کی جنگوں کے فیصلوں میں بھی ان کی رائے کو اہم سمجھا جاتا تھا۔سیاسی مبصرین کے مطابق ڈک چینی کی وفات امریکی سیاست کے ایک اہم اور متنازع دور کے خاتمے کی علامت ہے