ورجینیا کی تاریخ میں پہلی مسلم خاتون نائب گورنر، حلف قرآن پاک پر اٹھایا

امریکا میں نئی تاریخ رقم ہوگئی جب پہلی مسلم خاتون غزالہ ہاشمی نے ورجینیا کی نائب گورنر کے طور پر قرآن پاک پر حلف اٹھایا۔ اس کے ساتھ ہی ورجینیا میں گورنر کا عہدہ بھی پہلی بار خاتون رہنما ایبی گیل اسپین برجر نے سنبھالا۔

ریاست کی تاریخ میں یہ پہلا موقع ہے کہ اٹارنی جنرل کا عہدہ سیاہ فام جے جونز نے سنبھالا۔ نائب گورنر غزالہ ہاشمی نے حلف برداری کے موقع پر قرآن پاک پر حلف لیا اور اس موقع پر ایک انٹرفیتھ پرئیر بریک فاسٹ کا اہتمام بھی کیا گیا جس میں امام شریف نے دعا کرائی۔

یہ تاریخی موقع ورجینیا میں خواتین کی قیادت اور مذہبی تنوع کے فروغ کے لیے سنگ میل کے طور پر دیکھا جا رہا ہے۔