پاک فضائیہ کے لڑاکا طیاروں نے یو اے ای کے صدر کو شاندار فضائی سلامی پیش

پاک فضائیہ کے JF-17 تھنڈر بلاک III طیاروں کے چھ رکنی دستے نے متحدہ عرب امارات کے صدر عزت مآب شیخ محمد بن زاید النہیان کو پاکستانی فضائی حدود میں شاندار فضائی سلامی پیش کی۔

مہمان نوازی اور بھائی چارے کے اس مظاہرے میں طیاروں نے پاکستانی فضائی حدود میں داخل ہوتے ہی رسمی ایئر اسکواڈ فراہم کیا۔ فارمیشن لیڈر نے وزیر اعظم اور پاکستانی عوام کی جانب سے صدر شیخ محمد بن زاید کو پرتپاک سلام پیش کیا۔

پاک فضائیہ کی جانب سے پیش کی جانے والی یہ فضائی سلامی پاکستان اور یو اے ای کے گہرے بردرانہ تعلقات اور باہمی احترام کا مظہر ہے اور دوطرفہ تعلقات کو مضبوط بنانے کے لیے پاکستان کی مسلح افواج کے عزم کا اظہار ہے۔

جے ایف 17 تھنڈر بلاک III جدید ترین 4.5 جنریشن کا ملٹی رول لڑاکا طیارہ ہے، جو پاک فضائیہ کی جدید آپریشنل صلاحیتوں کی عکاسی کرتا ہے۔ پاکستان کی فضائی حدود میں معزز مہمانوں کو سلامی پیش کرنا جذبہ خیر سگالی کی روایت کا تسلسل ہے۔