کراچی: فیروز آباد کی حدود میں اے وی ایل سی پولیس کا مقابلہ، 2 ملزمان ہلاک

فیروز آباد کے علاقے میں اینٹی کار لفٹنگ سیل (AVLC) پولیس اور جرائم پیشہ افراد کے درمیان مبینہ مقابلے کے نتیجے میں 2 ملزمان ہلاک ہو گئے۔

ایس ایس پی اے وی ایل سی خالد مصطفیٰ کورائی کے مطابق ہلاک ہونے والے ملزمان کی شناخت محمد شہزاد اور شایان کے ناموں سے ہوئی ہے۔  ملزمان کے قبضے سے ناریل و دیگر اسلحہ اور ایک چوری شدہ کار برآمد کی گئی ہے۔ تحقیقات کے مطابق برآمد شدہ کار کچھ عرصہ قبل تھانہ گلستانِ جوہر کی حدود سے چوری کی گئی تھی۔

ایس ایس پی نے مزید بتایا کہ ہلاک ملزمان کے گروہ کا ایک اور فعال ساتھی ثاقب اس سے قبل شہید ملت روڈ پر اے وی ایل سی پولیس کے ساتھ ایک الگ مقابلے میں مارا جا چکا ہے۔ پولیس نے لاشوں کو تحویل میں لے کر قانونی کارروائی اور مزید تحقیقات کا آغاز کر دیا ہے۔