ریٹیلر سکیم ایپ کی لانچنگ کل، وزیر خزانہ افتتاح کریں گے

فیڈرل بورڈ آف ریونیو (ایف بی آر) ہیڈکوارٹرز میں “ریٹیلر سکیم ایپ” کی باقاعدہ لانچنگ تقریب منعقد ہو رہی ہے، جس میں وفاقی وزیرِ خزانہ و محصولات سینیٹر محمد اورنگزیب اور وزیرِ مملکت برائے خزانہ بلال اظہر کیانی ایپ کا باضابطہ افتتاح کریں گے۔ دوپہر 12:30 بجے ہونے والی اس تقریب کے فوراً بعد دونوں وزراء ایک اہم پریس کانفرنس سے خطاب کریں گے، جس میں میڈیا کو نئی ایپ کے خد وخال اور ریٹیلر سکیم کی تفصیلات پر بریفنگ دی جائے گی۔

حکام کے مطابق، ریٹیلر سکیم ایپ کا اجراء حکومت کے اس عزم کا حصہ ہے جس کے تحت ٹیکنالوجی کا استعمال کرتے ہوئے ملک کے ٹیکس نظام کو شفاف، مؤثر اور جدید بنایا جا رہا ہے۔ اس سکیم کے ذریعے ٹیکس نیٹ میں ڈیجیٹل ذرائع کے استعمال کو فروغ دینا ایک اہم سنگِ میل قرار دیا جا رہا ہے۔