نام بتائیں سر: محمد احمد کے تذلیل کے انکشاف پر فیصل قریشی کا ردِعمل

پاکستان شوبز انڈسٹری کے نامور اداکار فیصل قریشی نے سینئر ڈرامہ نگار و اداکار محمد احمد کے ساتھ سیٹ پر پیش آنے والے ایک تلخ واقعے اور نازیبا رویے پر اپنے ردِعمل کا اظہار کیا ہے۔ محمد احمد نے ایک حالیہ پوڈکاسٹ میں انکشاف کیا تھا کہ ان سے 40 سال چھوٹے ایک نوجوان اداکار نے ڈرامے کی شوٹنگ کے دوران نہ صرف ان کی اداکاری اور انداز کا مذاق اڑایا بلکہ سب کے سامنے طنز کرتے ہوئے نازیبا حرکات بھی کییں۔ اس انکشاف کے بعد فیصل قریشی نے محمد احمد کی ویڈیو اپنی انسٹاگرام اسٹوری پر شیئر کرتے ہوئے لکھا، “نام بتائیں سر محمد احمد صاحب، میں جانوں اور پھر وہ”۔ سینئر اداکار کی حمایت میں فیصل قریشی کے اس سخت پیغام کے بعد سوشل میڈیا پر مداحوں کی جانب سے نامناسب رویہ اختیار کرنے والے اداکار کا نام بتانے کا شدید مطالبہ کیا جا رہا ہے۔