فواد خان کی کاسمیٹک ٹریٹمنٹ کی افواہیں، وائرل تصاویر نے مداحوں کو چونکا دیا

پاکستان کے معروف اداکار فواد خان اپنے نئے لُک اور بدلتی ہوئی شخصیت کے باعث ایک بار پھر سوشل میڈیا پر مداحوں کی توجہ کا مرکز بن گئے ہیں۔ اداکار ان دنوں اداکارہ عائزہ خان کے ساتھ اپنی نئی فلم کی شوٹنگ میں مصروف ہیں، جس میں سیکیورٹی فورسز کے افسر کا کردار ادا کرنے کے لیے انہوں نے اپنے بال کافی مختصر کر لیے ہیں۔ حال ہی میں لاہور کے ایک معروف کاسمیٹک سرجن کے ساتھ ان کی تصاویر وائرل ہونے کے بعد سوشل میڈیا پر بوٹوکس، فلرز اور وزن کم کرنے والی دوا ‘اوزیمپک’ کے استعمال سے متعلق مختلف قیاس آرائیاں کی جا رہی ہیں۔ تاہم، ان دعوؤں کی کوئی مصدقہ یا باضابطہ تصدیق سامنے نہیں آئی، جبکہ مداحوں کی بڑی تعداد کا ماننا ہے کہ اداکار کی یہ تبدیلی بہترین فٹنس، وزن میں کمی اور نئے ہیئر اسٹائل کا نتیجہ ہے۔