ایشیا کپ میں ہمارے لیے تمام میچز اہم ہیں: فاطمہ ثنا

قومی ویمن کرکٹ ٹیم کی کپتان فاطمہ ثنا نے کہا ہے کہ ایشیا کپ کے لیے قومی ٹیم کی تیاری انتہائی اچھی جا رہی ہے اور ٹیم کسی ایک خاص مقابلے کے بجائے پورے ایونٹ میں شاندار کارکردگی دکھانے کے لیے پرعزم ہے۔ لاہور میں پریس کانفرنس کرتے ہوئے انہوں نے بتایا کہ انگلینڈ کی ‘دی ہنڈرڈ’ لیگ میں کھیلنا ان کے لیے ایک اعزاز اور مفید تجربہ رہا، جس سے آئندہ دیگر پاکستانی خاتون کرکٹرز کے لیے بھی عالمی لیگز کے دروازے کھلیں گے۔ دبئی کی کنڈیشنز کے حوالے سے بات کرتے ہوئے کپتان کا کہنا تھا کہ وہ وہاں کی حالات سے بخوبی واقف ہیں اور گزشتہ سیریز میں ہونے والی غلطیوں کو نہیں دہرایا جائے گا۔