معروف مزاحیہ فنکار اور سٹیج اداکار اللّٰہ رکھا انتقال کر گئے

پاکستان کے معروف مزاحیہ فنکار اور اسٹیج اداکار اللہ رکھا، جو اپنے اسٹیج نام ‘پیپسی’ اور ‘پانی پوری’ سے شہرت رکھتے تھے، 50 برس کی عمر میں اچانک انتقال کر گئے ہیں۔ معروف میزبان و اداکار محسن عباس حیدر نے سوشل میڈیا پلیٹ فارم انسٹاگرام پر اس افسوسناک خبر کی تصدیق کرتے ہوئے بتایا کہ اللہ رکھا کو ایک ریکارڈنگ کے دوران دل کا دورہ پڑا جو جان لیوا ثابت ہوا، تاہم ان کی نمازِ جنازہ کے وقت اور مقام کا اعلان تاحال نہیں کیا گیا۔ مرحوم اپنی ون مین کامیڈی پرفارمنس، اسٹیج شوز اور پیروڈی اداکاری کے باعث شائقین میں بے حد مقبول تھے، بالخصوص عالمی پاپ آئیکون مائیکل جیکسن کی منفرد انداز میں نقل اتارنے پر مداح انہیں محبت سے ‘پاکستان کا مائیکل جیکسن’ بھی کہتے تھے۔ ان کے اچانک انتقال کی خبر نے شوبز انڈسٹری، ساتھی فنکاروں اور مداحوں کو شدید صدمے اور غم میں مبتلا کر دیا ہے۔