فہد مصطفیٰ اپنے کپڑوں اور شارٹس پر ہونے والی تنقید کے بعد بھڑک اٹھے

پاکستان کے صفِ اول کے اداکار، پروڈیوسر اور مقبول ترین میزبان فہد مصطفیٰ نے سوشل میڈیا ٹرولنگ اور شوبز شخصیات پر ہونے والی تنقید کے حوالے سے اپنے خیالات کا کھل کر اظہار کیا ہے۔ انہوں نے واضح کیا کہ انہیں عام عوام کی رائے یا ٹرولنگ سے اتنی تکلیف نہیں ہوتی، جتنا دکھ ان لوگوں پر ہوتا ہے جنہوں نے ستاروں کی پگڑیاں اچھالنے کو باقاعدہ اپنا کاروبار بنا لیا ہے۔

فہد مصطفیٰ نے حال ہی میں ایک یوٹیوب انٹرویو کے دوران اپنی مقبولیت، لباس کے انوکھے انتخاب اور ڈیجیٹل دور کی منفی میڈیا اسٹریٹجیز پر تفصیلی گفتگو کی۔

اداکار نے انٹرویو کے دوران ڈیجیٹل میڈیا کے چند منفی پہلوؤں کو اجاگر کرتے ہوئے کہا انہیں اس بات پر شدید افسوس ہوتا ہے کہ کچھ لوگ اور کانٹینٹ کریٹرز صرف کلکس، ویوز اور وائرل مواد بنانے کے لیے شوبز اسٹارز کی ذاتی یا پیشہ ورانہ زندگی کو نشانہ بناتے ہیں اور اس تنازع سے اپنی کمائی چلاتے ہیں۔ایسے عناصر ہر وقت کسی نئے موقع یا کسی اسٹار کے منہ سے نکلے الفاظ کی تلاش میں رہتے ہیں تاکہ بات کو بغیر کسی سیاق و سباق کے بڑھا چڑھا کر پیش کیا جائے اور اپنے ذاتی مفادات حاصل کیے جا سکیں۔

سوشل میڈیا پر اپنے خلاف ہونے والی مسلسل بحث پر فہد مصطفیٰ نے روایتی سنجیدگی کے بجائے چٹکیلا اور مثبت انداز اپنایا۔ انہوں نے ہنستے ہوئے کہا”یہ بھی میری ایک طرح کی کامیابی ہی ہے کہ آج کل انڈسٹری میں کوئی بھی انٹرویو میرے ذکر کے بغیر مکمل ہی نہیں ہوتا۔ لوگ چاہے تعریف کریں یا تنقید، وہ ہر انداز میں میرے بارے میں بات کرتے ہیں اور یہ بات کسی حد تک میرے لیے خوش آئند ہے۔“

انہوں نے مزید کہا کہ کسی دوسرے شخص کی مقبولیت، کامیابی یا کام پر بلاوجہ غصہ نکالنا یا منفی ردِعمل دینا اخلاقی طور پر درست نہیں۔ وہ عوامی رائے کا احترام کرتے ہیں اور تنقید سے سیکھ کر خود کو بہتر بنانے کی کوشش کرتے ہیں۔فہد مصطفیٰ کے منفرد آؤٹ فٹس اور لباس کے انتخاب پر اکثر سوشل میڈیا پر میمز بنتے ہیں، جس کا جواب دیتے ہوئے انہوں نے اپنے فیشن سنس کا دفاع کیا