بجلی صارفین کے لیے بری خبر، ایک ماہ کے لیے 48 پیسے فی یونٹ اضافے کا امکان

بجلی صارفین کے لیے بری خبر سامنے آ گئی ہے، جہاں ایک ماہ کے لیے بجلی 48 پیسے فی یونٹ مہنگی ہونے کا امکان ہے۔ سنٹرل پاور پرچیزنگ ایجنسی (سی پی پی اے) نے ماہانہ فیول پرائس ایڈجسٹمنٹ کی مد میں نیپرا میں درخواست دائر کر دی ہے۔

درخواست کے مطابق نیپرا اتھارٹی سی پی پی اے کی درخواست پر 29 جنوری کو سماعت کرے گی۔ سی پی پی اے کا کہنا ہے کہ دسمبر کے مہینے میں 8 ارب 48 کروڑ 70 لاکھ یونٹس بجلی پیدا کی گئی جبکہ ڈسکوز کو 8 ارب 20 کروڑ 80 لاکھ یونٹس بجلی فراہم کی گئی۔ ماہ دسمبر میں بجلی کی فی یونٹ لاگت 9 روپے 62 پیسے رہی۔