الیکشن ٹریبونل کا بڑا فیصلہ، وزیراعلیٰ پنجاب مریم نواز کے حق میں درخواست مسترد

الیکشن ٹریبونل نے وزیراعلیٰ پنجاب مریم نواز کی انتخابی کامیابی کے خلاف دائر درخواست مسترد کر دی۔
فیصلے کے مطابق درخواست گزار نے لاہور کے حلقے پی پی-159 سے مریم نواز کی کامیابی کو چیلنج کیا تھا، تاہم درخواست میں الیکشن ایکٹ 2017 کے رول 144 کی شرائط پوری نہیں کی گئیں۔الیکشن ٹریبونل کے تحریری فیصلے میں کہا گیا ہے کہ درخواست گزار کے انتخابی پٹیشن کے ہر صفحے پر دستخط موجود نہیں، جبکہ بیانِ حلفی میں اوتھ کمشنر کی تصدیق والے صفحے پر درخواست گزار کا نام اور والد کا نام بھی درج نہیں۔فیصلے میں مزید کہا گیا کہ مریم نواز سمیت دیگر فریقین کے وکیل بیرسٹر اسداللہ کے دلائل میں وزن پایا گیا، جس کے بعد ٹریبونل نے قرار دیا کہ یہ درخواست باقاعدہ ٹرائل کے لیے قابلِ سماعت نہیں