امریکا، ایران کشیدگی میں کمی کی امید، خام تیل کی قیمتیں دو ماہ کی کم ترین سطح پر آگئیں

امریکہ اور ایران کے درمیان کشیدگی کم ہونے کی امید پر عالمی منڈی میں خام تیل کی قیمتوں میں نمایاں کمی ریکارڈ کی گئی ہے، جس کے بعد تیل کے نرخ گزشتہ دو ماہ کی کم ترین سطح پر آ گئے ہیں۔ تجارتی منڈی کے تازہ ترین اعداد و شمار کے مطابق برطانوی خام تیل (بریفنٹ کروڈ) کی قیمت گر کر 92.57 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) کی قیمت 86.85 ڈالر فی بیرل کی سطح پر ریکارڈ کی گئی۔ دوسری جانب متحدہ عرب امارات کے مربن کروڈ کی قیمت میں معمولی اضافے کے بعد قیمت 99 ڈالر فی بیرل رہی۔ معاشی ماہرین کے مطابق امریکی صدر ڈونلڈ ٹرمپ کی جانب سے ایران پر مزید فوجی حملوں کا امکان کم قرار دیے جانے کے بیان کے بعد عالمی سرمایہ کاروں کے خدشات میں واضح کمی دیکھی گئی ہے جس سے عالمی بازار میں تیل کی سپلائی سے متعلق تشویش کم ہوئی۔