اعجاز اسلم نے ہانیہ عامر کے ہمشکل لڑکے کی تصاویر شیئر کردیں

پاکستانی شوبز انڈسٹری کے معروف اداکار اعجاز اسلم نے سوشل میڈیا پر اداکارہ ہانیہ عامر کے ہم شکل لڑکے کی تصویر شیئر کی ہے جس نے مداحوں کو حیرت میں مبتلا کر دیا ہے۔ اعجاز اسلم نے انسٹاگرام اسٹوری پر کم عمر لڑکے اور ہانیہ عامر کی تصویر ایک ساتھ پوسٹ کرتے ہوئے لکھا کہ “کیا یہ ہانیہ عامر کا جڑواں بھائی ہے؟ مشابہت ناقابلِ یقین ہے۔” تصویر میں نظر آنے والے لڑکے کے گھنگریالے بال، دلکش مسکراہٹ اور ہانیہ جیسے رخسار کے ڈمپلز دیکھ کر سوشل میڈیا صارفین بھی دنگ رہ گئے ہیں اور دونوں کی اس غیر معمولی مشابہت پر مسلسل تبصرے کر رہے ہیں۔