الیکشن کمیشن: عطاء تارڑ کیخلاف ضابطۂ اخلاق کی خلاف ورزی کیس کا فیصلہ محفوظ
Web Desk
20 November 2026
الیکشن کمیشن آف پاکستان نے قومی اسمبلی کے حلقہ این اے 77 کے ضمنی انتخابات میں ضابطۂ اخلاق کی مبینہ خلاف ورزی سے متعلق وفاقی وزیرِ اطلاعات عطاء اللّٰہ تارڑ کے خلاف دائر کیس کی سماعت مکمل ہونے پر فیصلہ محفوظ کر لیا ہے۔
چیف الیکشن کمشنر سکندر سلطان راجہ کی سربراہی میں الیکشن کمیشن کے تین رکنی بینچ نے کیس کی سماعت کی، جس میں وفاقی وزیرِ اطلاعات عطاء اللّٰہ تارڑ خود بھی کمیشن کے روبرو پیش ہوئے۔
سماعت کے دوران عطاء اللّٰہ تارڑ کی جانب سے ان کے وکیل سجیل سواتی نے دلائل دیتے ہوئے مؤقف اختیار کیا کہ وفاقی وزیر کے دورے کا مقصد خالصتاً ذاتی تھا اور وہ کسی قسم کی انتخابی مہم چلانے کے لیے وہاں نہیں گئے تھے۔ انہوں نے کہا کہ عطاء اللّٰہ تارڑ ایک وکیل کی ذاتی دعوت پر شریک ہوئے تھے اور متعلقہ تقریب میں حلقے کا امیدوار بھی موجود نہیں تھا۔
وکیل نے مزید کہا کہ ہم الیکشن کمیشن کا بے حد احترام کرتے ہیں اور ذمے دار اراکینِ پارلیمان ہونے کے ناطے ایسا کوئی اقدام نہیں کر سکتے جو انتخابی ضابطۂ اخلاق کی خلاف ورزی کے زمرے میں آتا ہو۔ انہوں نے بتایا کہ اس معاملے پر تحریری جواب بھی جمع کروایا جا چکا ہے اور وفاقی وزیر غیر مشروط معذرت کرتے ہوئے خود کو کمیشن کے رحم و کرم پر چھوڑتے ہیں۔
سماعت کے دوران چیف الیکشن کمشنر سکندر سلطان راجہ نے ریمارکس دیے کہ آپ بے شک کسی وکیل کی ذاتی دعوت پر وہاں گئے تھے، لیکن اس حیثیت کے ساتھ ساتھ آپ ایک وفاقی وزیر بھی ہیں۔ فریقین کے دلائل مکمل ہونے کے بعد الیکشن کمیشن نے کیس کا فیصلہ محفوظ کر لیا۔
متعلقہ عنوانات
پاکستان اور ترکیہ کی دوستی کے نئے باب کا آغاز، توانائی کے معاہدوں پر دستخط
20 November 2026
کیمرے والے اسمارٹ گلاسز کی درآمد کیلئے مشروط اجازت مل گئی
20 November 2026
چاند کی مٹی میں آلو اگانے کا کامیاب تجربہ
20 November 2026
بابا گرونانک کے 557 ویں جنم دن کی تقریبات، 3 ہزار سکھ یاتریوں کو ویزے جاری
20 November 2026
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد
20 November 2026
علیمہ خان کی نظر بندی سے متعلق درخواست جلد سماعت کے لیے منظور
20 November 2026
چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق
20 November 2026
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز
20 November 2026