اقتصادی رابطہ کمیٹی نے چینی برآمد کرنے کی اجازت دے دی

اسلام آباد: اقتصادی رابطہ کمیٹی (ای سی سی) نے ٹریڈنگ کارپوریشن آف پاکستان (ٹی سی پی) کے پاس موجود 1 لاکھ 8 ہزار میٹرک ٹن چینی کو بین الاقوامی مارکیٹ میں برآمد کرنے کی منظوری دے دی ہے۔

وفاقی وزیر برائے خزانہ و محصولات سینیٹر محمد اورنگزیب کی زیرِ صدارت منعقدہ ای سی سی کے اجلاس میں چینی کی برآمد اور زخائر کے حوالے سے کئی اہم فیصلے کیے گئے۔ اجلاس کے دوران طے پایا کہ ٹی سی پی کے پاس موجود چینی کے زائد اسٹاک کو برآمد کرنے کے لیے بین الاقوامی سطح پر شفاف ٹینڈر جاری کیا جائے گا۔

ذرائع کے مطابق ای سی سی نے واضح کیا کہ چینی کی عالمی برآمد کے لیے جاری کیا جانے والا بین الاقوامی ٹینڈر پبلک پروکیورمنٹ ریگولیٹری اتھارٹی (پی پی آر اے) کے وضع کردہ قوانین اور ضوابط کے سخت مطابق عمل میں لایا جائے گا تاکہ عمل میں مکمل شفافیت کو یقینی بنایا جا سکے۔