اسحاق ڈار کا عباس عراقچی سے رابطہ، علاقائی صورتحال پر تبادلہ خیال

نائب وزیراعظم اور وزیر خارجہ سینیٹر اسحاق ڈار نے ایرانی وزیر خارجہ عباس عراقچی سے ٹیلیفونک رابطہ کیا ہے، جس میں خطے کی مجموعی صورتحال اور حالیہ اہم پیش رفت پر تفصیلی تبادلہ خیال کیا گیا۔

ترجمان دفتر خارجہ کے مطابق دونوں رہنماؤں نے گفتگو کے دوران مشرق وسطیٰ اور خطے کی تازہ ترین صورتحال پر اپنے خیالات کا اظہار کیا۔ اسحاق ڈار نے تنازعات اور درپیش چیلنجز کے حل کے لیے مسلسل مکالمے اور سفارت کاری کی اہمیت پر زور دیا اور اس بات پر روشنی ڈالی کہ تمام فریقین کو تعمیری انداز میں سفارتی عمل سے جڑے رہنے کی ضرورت ہے۔

نائب وزیراعظم کا مزید کہنا تھا کہ خطے میں پائیدار امن، سلامتی اور استحکام کے قیام کے لیے فعال، مثبت اور مسلسل سفارتی کوششیں وقت کی اہم ترین ضرورت ہیں، اور پاکستان خطے کی امن و سلامتی کے لیے تمام سفارتی ذرائع کے استعمال کا حامی ہے