LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
کینیا اسکول کی 8 لڑکیوں پر ساتھی طالبات کے قتل کے الزام میں فرد جرم عائد 40 سال بعد فیفا ورلڈکپ کے پری کوارٹر فائنل میں پہنچنے پر میکسیکو میں جشن، دم گھٹنے سے 3 افراد جان سے گئے مقبوضہ بیت المقدس میں مستقل سفارتخانے کی تعمیر کیلئے امریکہ و اسرائیل میں معاہدے پر دستخط کراچی میں بارشیں 584 مخدوش رہائشی عمارتوں کو خالی کرانے کا فیصلہ روس اور بحرین کے وزرائے خارجہ کا ٹیلیفونک رابطہ، خلیجی صورتحال پر تبادلہ خیال امریکی نیوی کا ہیلی کاپٹر بحیرہ عرب میں گر کر تباہ حکومت نے پیٹرول اور ڈیزل پر کلائمیٹ سپورٹ لیوی میں اضافہ کردیا وینزویلا میں زلزلوں سے ہلاکتیں 2000 سے تجاوز کرگئیں ملک کے مختلف شہروں میں زلزلے کے جھٹکے، شدت 5.3 ریکارڈ کراچی میں شاہین فورس کا کامیاب آپریشن، مبینہ پولیس مقابلے میں دو ڈاکو ہلاک پاک چین دوستی نسلوں پر محیط، سی پیک سے تعاون مزید مضبوط ہوگا: چینی سفیر کمیونسٹ پارٹی آف چائنہ کا وژن چین کی ترقی و خوشحالی کی بنیاد ہے: اسحاق ڈار اگر ایران نے امریکا پر حملہ کیا تو اس کا اسی انداز میں جواب دیا جائے گا: وائٹ ہاؤس امریکا نے ایران سے جوہری معاہدے کی امید ظاہر کر دی پاکستان کیلئے بڑی معاشی خوشخبری، ٹیکس وصولیاں پہلی بار 13 ٹریلین روپے سے تجاوز کر گئیں

ٹرمپ کی سال 2025 کی آمدن 2 ارب ڈالر سے زائد، اپنے نام کی مصنوعات سے لاکھوں ڈالر کی رائلٹی بھی کمائی

Web Desk

1 July 2026

امریکی صدر ڈونلڈ ٹرمپ نے اپنی دوسری مدتِ صدارت کے پہلے ہی سال کے دوران کرپٹو کرنسی کے کاروبار سے ایک ارب ڈالر سے زائد کی خطیر رقم کمائی ہے، جبکہ گزشتہ سال ان کی مجموعی آمدن 2 ارب ڈالر سے بھی متجاوز رہی۔

صدر ٹرمپ کی سال 2025ء کی جاری کردہ 927 صفحات پر مشتمل تفصیلی مالیاتی رپورٹ میں انکشاف کیا گیا ہے کہ انہوں نے ’سیلیبریشن کوائنز‘ (Celebration Coins) نامی ادارے سے 635 ملین ڈالر کی بھاری رائلٹی حاصل کی ہے۔ رپورٹ کے مطابق، ٹرمپ نے 500 ملین ڈالر سے زائد کی آمدن ’ورلڈ لبرٹی فنانشل‘ (World Liberty Financial) نامی کرپٹو کمپنی سے حاصل کی، جسے ان کے بیٹوں اور ان کے خصوصی ایلچی اسٹیو وٹکوف کے بچوں نے مل کر قائم کیا تھا۔

تازہ مالیاتی رپورٹ کے مطابق، سال 2025ء میں ڈونلڈ ٹرمپ کی مجموعی آمدن کم از کم 2.2 ارب ڈالر رہی، جو سال 2024ء میں کمائے گئے 600 ملین ڈالر کے مقابلے میں کہیں زیادہ ہے۔ رپورٹ سے یہ واضح ہوتا ہے کہ کرپٹو مارکیٹ سے حاصل ہونے والی اس اندھا دھند آمدن نے ان کے روایتی رئیل اسٹیٹ اور ہوٹلنگ کے کاروبار کو بھی پیچھے چھوڑ دیا ہے، جو اب تک ٹرمپ کی دولت اور شہرت کا بنیادی ذریعہ رہا ہے۔

دوسری جانب، صدارتی منصب پر رہتے ہوئے اتنی بڑی کاروباری آمدن پر اٹھنے والے سوالات کے بعد وائٹ ہاؤس نے اس تاثر کو یکسر مسترد کر دیا ہے کہ صدر ٹرمپ صدارت کے منصب کا استعمال کر کے کوئی مالی یا ذاتی فائدہ اٹھا رہے ہیں۔

رپورٹ میں ان کے دیگر کاروباروں کی تفصیلات بتاتے ہوئے کہا گیا ہے کہ ٹرمپ نے اپنے مشہور ‘مارا لاگو کلب’ سے تقریباً 77 ملین ڈالر اور فلوریڈا کے شہر ڈورال میں واقع گالف کلب سے 122 ملین ڈالر کمائے۔ اس کے علاوہ انہوں نے نیو جرسی، فلوریڈا اور اسکاٹ لینڈ میں واقع اپنے دیگر گالف کلبز سے بھی 30، 30 ملین ڈالر سے زائد کی آمدن حاصل کی۔

مالیاتی دستاویزات کے مطابق، صدر ٹرمپ نے دیگر تجارتی سرگرمیوں سے بھی کروڑوں ڈالر سمیٹے ہیں، جن میں ٹرمپ برانڈ کے نام سے منسوب گھڑیوں، جوتوں، خوشبوؤں (پرفیومز) اور گٹار جیسی مختلف مصنوعات کی فروخت سے ملنے والی 4.7 ملین ڈالر کی رائلٹی بھی شامل ہے۔