’تارک مہتا کا الٹا چشمہ‘ کے جیٹھا لال شو چھوڑنے والے ہیں؟ دلیپ جوشی کا بیان سامنے آگیا

مقبول بھارتی کامیڈی سیریل ’تارک مہتا کا الٹا چشمہ‘ میں ’جیٹھا لال‘ کا یادگار کردار ادا کرنے والے سینئر اداکار دلیپ جوشی نے اپنے شو چھوڑنے سے متعلق گردش کرنے والی خبروں کو یکسر بے بنیاد قرار دے دیا ہے۔ گزشتہ چند روز سے سوشل میڈیا پر یہ دعوے کیے جا رہے تھے کہ دلیپ جوشی تقریباً 18 برس بعد اس کامیاب ڈرامے سے علیحدگی اختیار کر رہے ہیں، تاہم اداکار نے ان افواہوں کو من گھڑت قرار دیتے ہوئے واضح کیا کہ یہ قیاس آرائیاں صرف زیادہ ویوز اور توجہ حاصل کرنے کے لیے پھیلائی گئیں۔ انہوں نے میڈیا پلیٹ فارمز سے اپیل کی کہ خبر نشر کرنے سے پہلے تصدیق ضرور کر لیا کریں۔ دلیپ جوشی نے شو کی غیر معمولی کامیابی پر اظہارِ تشکر کرتے ہوئے بتایا کہ ڈرامہ اب تک 4750 سے زائد اقساط مکمل کر چکا ہے اور کسی کامیڈی پروگرام کا مسلسل 18 سال تک ناظرین کی پسند بنا رہنا ایک بڑی کامیابی ہے۔ انہوں نے اس موقع پر شو کے پروڈیوسر اسِت کمار مودی اور رائٹرز کی ٹیم کی محنت کو بھی خوب سراہ