ٹرمپ کی مخالفت کے باوجود ظہران ممدانی نیویارک سٹی کے پہلے مسلم میئر منتخب
Web Desk
5 November 2025
نیویارک کی تاریخ میں پہلی بار ایک مسلمان امیدوار زہران ممدانی میئر منتخب ہوگئے۔ انہوں نے 52 فیصد ووٹ حاصل کیے، جبکہ آزاد امیدوار انڈریو کوومو دوسرے اور ریپبلکن امیدوار کرٹس سلوا تیسرے نمبر پر رہے۔
انتخابات میں تقریباً 20 لاکھ ووٹرز نے اپنا حقِ رائے دہی استعمال کیا، جو گزشتہ 30 سالوں میں سب سے زیادہ شرحِ ووٹنگ ہے۔ رواں سال گزشتہ سال کے مقابلے میں 65 فیصد زیادہ ووٹ ڈالے گئے، جبکہ اہل ووٹرز کی کل تعداد 50 لاکھ تھی۔ نوجوان ووٹرز کی شرکت کو اس انتخاب میں فیصلہ کن قرار دیا جا رہا ہے۔
سابق امریکی صدر براک اوباما نے زہران ممدانی کو کامیابی پر مبارکباد دیتے ہوئے کہا کہ “ہم ایسے رہنماؤں کے گرد متحد ہو رہے ہیں جو عوام کے مسائل کی پرواہ کرتے ہیں۔ ابھی بہت سا کام باقی ہے، لیکن مستقبل اب پہلے سے زیادہ روشن دکھائی دیتا ہے۔”سابق صدر بل کلنٹن نے بھی زہران ممدانی کو مبارکباد دیتے ہوئے کہا کہ “میں دعاگو ہوں کہ آپ اپنے جذبے کو ایک بہتر اور افورڈیبل نیویارک کی تعمیر میں تبدیل کریں گے۔”ذرائع کے مطابق نیویارک کے عوام نے اس الیکشن میں ہاؤسنگ، جرائم، معاشی بحران اور مہنگی تعلیم جیسے مسائل کے حل کو بنیاد بنا کر ووٹ دیا۔ زہران ممدانی کو خاص طور پر نوجوانوں اور تارکین وطن شہریوں میں بھرپور مقبولیت حاصل ہے۔ انہوں نے انتخابی مہم کے دوران کاسٹ آف لیونگ سمیت بنیادی شہری مسائل کے حل کا وعدہ کیا تھا۔واضح رہے کہ امریکی صدر ڈونلڈ ٹرمپ نے الیکشن سے قبل آزاد امیدوار انڈریو کوومو کی حمایت کا اعلان کیا تھا اور خبردار کیا تھا کہ اگر ممدانی جیت گئے تو نیویارک کے لیے وفاقی فنڈز روک دیے جائیں گے۔ زہران ممدانی نے اپنی مہم کے دوران اسرائیلی وزیراعظم بنجمن نیتن یاہو کی نیویارک آمد پر انہیں گرفتار کرنے کا اعلان کر کے عالمی سطح پر توجہ حاصل کی تھی۔دوسری جانب امریکی ریاست ورجینیا میں ڈیموکریٹس نے تاریخی کامیابی حاصل کی۔ ڈیموکریٹ امیدوار ابیگیل اسپینبرگر ورجینیا کی پہلی خاتون گورنر جبکہ غزالہ صدیقی نائب گورنر منتخب ہوئیں۔اسی طرح نیوجرسی میں ڈیموکریٹ رہنما مائیکی شیرل نے 60 فیصد سے زائد ووٹ حاصل کر کے برتری حاصل کی، جبکہ نارتھ کیرولائنا، ٹیکساس، کیلی فورنیا، فلوریڈا اور دیگر ریاستوں سے نتائج آنا باقی ہیں
متعلقہ عنوانات
اماراتی صدر سے امریکی وزیر داخلہ کی ملاقات، دوطرفہ تعلقات و علاقائی صورتحال پر تبادلہ خیال
22 November 2026
امریکا اور کینیڈا کی افواج کے درمیان تعاون محدود کرنے کا مبینہ خفیہ میمو سامنے آگیا
22 November 2026
ٹرمپ کا یورپی ممالک کو یوکرین جنگ پر اخراجات کم کرنے کا مشورہ
22 November 2026
امریکہ نے ایران کا ایف 16 طیارے کو نشانہ بنانے کا دعویٰ مسترد کر دیا
22 November 2026
امریکی تحقیقاتی ادارے ایف بی آئی کے کرائم انفارمیشن سینٹر کا ڈیٹا بیس ہیک ہو گیا
22 November 2026
ٹرمپ کا ایران کے ساتھ مستقل جوہری معاہدہ کرنے کا اعلان
21 November 2026
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
21 November 2026
امریکی ایف بی آئی کا حساس جرائم کا ڈیٹا بیس ہیک کرلیا گیا
21 November 2026