پنجاب میں کسٹمز انفورسمنٹ کی کارروائی،اسمگلنگ کی گئی کروڑوں روپے کی اشیاء برآمد

کسٹمز انفورسمنٹ نے گزشتہ 24 گھنٹوں کے دوران مختلف علاقوں میں اسمگلنگ کی کئی کوششوں کو ناکام بنایا ہے۔
موٹروے M-14 پر ایک غیر کسٹم پیڈ ٹویوٹا پریئس (Prius) پکڑی گئی۔ فیصل آباد میں غیر ملکی سگریٹس، چائنا سالٹ، اسکِمڈ ملک پاؤڈر کے بیگ، Glutamine پاؤڈر اور دیگر ممنوعہ سامان ضبط کیا گیا۔
ضلع بھکر کے علاقے داجل میں تقریباً ایک کروڑ روپے مالیت کی غیر ملکی سگریٹس قبضے میں لی گئیں۔ ساہیوال میں ایک گاڑی روکی گئی جو 48,000 لیٹر صنعتی سالونٹ لے جارہی تھی، جبکہ دستاویزات میں صرف 24,000 لیٹر کی مقدار ظاہر کی گئی تھی۔
ایف بی آر نے کہا ہے کہ وہ ہر قسم کی اسمگلنگ اور غیر قانونی تجارت کے سدباب کے لیے پُرعزم ہے