ماحولیاتی نمونوں میں پولیو وائرس تاحال موجود ہونے کی تصدیق

ملک بھر کے 46مقامات کے ماحولیاتی نمونوں میں پولیو وائرس موجودہونے کی تصدیق ہوگئی۔

رپورٹ کےمطابق ملک کے 27 اضلاع کے 127 مقامات سے سیوریج نمونے لیبارٹری بھیجے گئے جن میں 46 میں پولیو وائرس پایا گیا۔سندھ کے 22 ماحولیاتی نمونوں میں پولیو وائرس موجود ہے،جن میں کراچی کے11،حیدر آباد کے3 اور دیگر اضلاع کے8 مقامات شامل ہیں۔خیبرپختونخوا کےضلع پشاور اور بنوں کے 2،2 اور دیگر اضلاع کے 5 مقامات جبکہ پنجاب میں 7 مقامات کے ماحولیاتی نمونوں میں پولیو وائرس پایا گیا،لاہور میں 4،راولپنڈی کے 2 اوراورفیصل آباد کے 1 مقام کے نمونےپولیو پازیٹیو نکلے،کوئٹہ اورمستونگ سمیت بلوچستان کے6مقامات کے ماحولیاتی نمونوں میں پولیو وائرس پایا۔

رپورٹ کے مطابق وفاقی دارلحکومت کا سیوریج بھی پولیو وائرس سے محفوظ نہیں اوردو مقامات کے نمونوں میں پولیو وائرس کی تصدیق ہوگئی ہے۔