بشریٰ انصاری کی نقل اتارنے کی ویڈیو وائرل، سینئر اداکارہ ناراض ہوگئیں

سوشل میڈیا پر بشریٰ انصاری کی نقل اتارنے کی ایک ویڈیو وائرل ہونے کے بعد، اداکارہ نے اس پر اپنے تحفظات کا اظہار کیا ہے۔ ایک انٹرویو کے دوران جب ان سے پوچھا گیا کہ ماضی میں وہ خود بھی دوسروں کی نقل اتارتی رہی ہیں تو اب انہیں اس پر اعتراض کیوں ہے، تو انہوں نے جواب دیا کہ ان کی پیروڈی میں کبھی بدتمیزی یا کسی کی ذاتی زندگی پر حملہ نہیں ہوتا تھا۔ اداکارہ نے واضح کیا کہ انہوں نے ماضی میں طاہرہ سید، نور جہاں، مسرت نذیر اور سلمیٰ آغا جیسے بڑے ناموں کے انداز کی نقل اتاری تھی، لیکن اس کی شاعری اور پرفارمنس میں کوئی گھٹیا بات شامل نہیں تھی۔