شوہر کا نام ایپسٹین فائلز میں آنے کے بعد بیونسے کے فالوورز میں نمایاں کمی

امریکہ: مشہور گلوکارہ بیونسے کے انسٹاگرام اکاؤنٹ پر فالوورز کی تعداد میں غیر متوقع کمی دیکھنے کو ملی ہے، جس کی وجہ ان کے شوہر جیزی کا نام ایپسٹین فائلز میں شامل ہونا بتایا جا رہا ہے۔

45 سالہ بیونسے کا اس معاملے سے براہ راست تعلق نہیں، تاہم سوشل میڈیا پر اس تنازع نے آن لائن ردعمل کو بڑھا دیا ہے۔ بیونسے اور جیزی دونوں نے اس حوالے سے کوئی بیان جاری نہیں کیا، جس سے قیاس آرائیوں میں اضافہ ہوا ہے۔

بیونسے کی پیشہ ورانہ زندگی متاثر نہیں ہوئی اور فوربس کے مطابق وہ اب ارب پتی شخصیات کی فہرست میں شامل ہیں، جہاں ان سے قبل جیزی، ٹیلر سوئفٹ، ریحانہ اور بروس اسپرنگٹین شامل تھے، اور اب بیونسے پانچویں موسیقار و گلوکار کے طور پر اس فہرست میں شامل ہو گئی ہیں۔