وینزویلا کے اثرات، بلوچستان میں کل سے اب تک 5 زلزلے ریکارڈ، مزید جھٹکوں کا امکان
Web Desk
27 June 2026
بلوچستان میں گزشتہ 24 گھنٹوں کے دوران درمیانے درجے کے 5 زلزلے ریکارڈ کیے گئے ہیں، جس سے شہریوں میں خوف و ہراس پھیل گیا۔ زلزلہ پیما مرکز کے مطابق، آج صبح بارکھان اور اس کے قریبی علاقوں میں 5.2 شدت کا شدید زلزلہ بھی ریکارڈ کیا گیا ہے۔ زلزلوں کے مراکز اور گہرائی کی تفصیلات اعداد و شمار کے مطابق، صوبے کے مختلف اضلاع زلزلوں کی زد میں رہے۔ کوہلو اور مضافات میں زلزلے کی شدت 5.0 ریکارڈ کی گئی، جس کی گہرائی 18 کلومیٹر تھی اور اس کا مرکز شہر سے 65 کلومیٹر شمال مشرق میں تھا۔ سبی میں زلزلے کی شدت 4.2 ریکارڈ کی گئی، جس کی گہرائی 42 کلومیٹر تھی اور زلزلے کا مرکز شہر سے 57 کلومیٹر شمال مشرق میں واقع تھا۔
محکمۂ موسمیات کے چیف میٹرولوجسٹ امیر حیدر لغاری نے ان زلزلوں کی سائنسی وجہ بتاتے ہوئے واضح کیا کہ بلوچستان اور خیبر پختونخوا دونوں ‘یوریشین ٹیکٹونک پلیٹ’ (Eurasian Tectonic Plate) پر واقع ہیں۔ یہ حالیہ زلزلے اسی پلیٹ کی اوپری سطح پر آ رہے ہیں جو دراصل عالمی زلزلوں کا اثر ہے۔ انہوں نے انکشاف کیا کہ حال ہی میں وینزویلا میں آنے والے تباہ کن زلزلے کے بعد زمین کے اندر پیدا ہونے والی توانائی کی لہریں (Energy Waves) اب منتقل ہو کر اس سے منسلک ٹیکٹونک پلیٹوں پر زلزلوں کا سبب بن رہی ہیں۔ امیر حیدر لغاری نے ماضی کی مثال دیتے ہوئے بتایا کہ 2000ء سے 2011ء کے دوران انڈونیشیا میں آنے والے بڑے زلزلوں کے بعد ہی کشمیر میں تباہ کن زلزلہ آیا تھا۔ ان کا کہنا تھا کہ زمین کے اندر پیدا ہونے والی اس توانائی کی لہروں کے مکمل طور پر ختم ہونے تک خطے میں مزید زلزلے آنے کا امکان موجود ہے، تاہم سائنسی طور پر زلزلے کے درست وقت اور حتمی شدت کی پیش گوئی کرنا اب بھی ناممکن ہے۔ انتظامیہ نے شہریوں کو محتاط رہنے کی ہدایت کی ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026