طوفانی ہواؤں اور گرج چمک کے ساتھ بارشوں کا الرٹ جاری
Web Desk
27 June 2026
ملک بھر میں طوفانی ہواؤں اور گرج چمک کے ساتھ موسلادھار بارش کی پیشگوئی کے پیشِ نظر نیشنل ڈیزاسٹر مینجمنٹ اتھارٹی (NDMA) نے ہائی الرٹ جاری کر دیا ہے۔ شہریوں کو بلا ضرورت گھروں سے نہ نکلنے اور احتیاطی تدابیر اختیار کرنے کی سخت ہدایت کی گئی ہے۔ آئندہ چند گھنٹوں میں ملک کے چاروں صوبوں، آزاد جموں و کشمیر اور گلگت بلتستان کے بیشتر علاقوں میں گرج چمک اور تیز ہواؤں کے ساتھ بادل برسیں گے۔
لاہور، میانوالی، خوشاب، چکوال، تلہ گنگ، جہلم، منڈی بہاءالدین، گجرات، سیالکوٹ اور حافظ آباد میں تیز ہواؤں اور گرج چمک کے ساتھ بارش متوقع ہے۔ صوبائی دارالحکومت کراچی، حیدرآباد، ٹھٹھہ، بدین، میرپورخاص، تھرپارکر، عمرکوٹ، سانگھڑ، نوابشاہ، دادو، لاڑکانہ، جیکب آباد، شکارپور، سکھر اور گھوٹکی کے اضلاع میں موسلادھار بارش کا امکان ہے۔ پشاور، نوشہرہ، چارسدہ، مردان، صوابی، ڈی آئی خان، بنوں، کوہاٹ، کرک، ایبٹ آباد، ہری پور، مانسہرہ، سوات، دیر، مالاکنڈ، باجوڑ، شانگلہ، بونیر، مہمند، خیبر اور وزیرستان میں طوفانی ہواؤں کے ساتھ بادل گرجیں گے۔ گلگت، اسکردو، ہنزہ، نگر، دیامر، استور، غانچے، شگر اور کھرمنگ کے اضلاع میں بھی تیز بارش کی پیشگوئی کی گئی ہے۔
این ڈی ایم اے کے مطابق، آئندہ 12 گھنٹوں کے دوران تیز ہواؤں اور شدید بارشوں کے باعث سڑکوں پر پھسلن پیدا ہونے، حدِ نگاہ (Visibility) متاثر ہونے اور بجلی کا ترسیلی نظام درہم برہم ہونے کا شدید خطرہ ہے۔صوبائی اور مقامی انتظامیہ نے شہریوں کو تاکید کی ہے کہ وہ خراب موسم کے دوران غیر ضروری سفر سے مکمل گریز کریں اور کسی بھی حادثے سے بچنے کے لیے کمزور انفراسٹرکچر، بجلی کے کھمبوں، کچے مکانات اور بڑے سائن بورڈز سے دور رہیں۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026