وزیر داخلہ بلوچستان کے قافلے پر مستونگ میں حملہ، 6 پولیس اہلکار زخمی
Web Desk
14 August 2026
بلوچستان کے ضلع مستونگ میں صوبائی وزیر داخلہ میر ضیاء لانگو کے قافلے پر مسلح افراد کے حملے میں 6 پولیس اہلکار زخمی ہو گئے، تاہم وزیر داخلہ حملے میں بالکل محفوظ رہے۔ مستونگ پولیس کے مطابق وزیر داخلہ کا قافلہ قلات سے کوئٹہ کی طرف جا رہا تھا کہ کھڈکوچہ کے علاقے گرو کے مقام پر پہلے سے گھات لگائے حملہ آوروں نے قافلے پر فائرنگ کر دی۔ بلوچستان میں داخلہ امور کے معاون بابر یوسفزئی کے مطابق پولیس اور حملہ آوروں کے درمیان تقریباً 20 منٹ تک شدید فائرنگ کا تبادلہ جاری رہا، جس کے بعد ملزمان موقع سے فرار ہونے میں کامیاب ہو گئے۔
نواب غوث بخش رئیسانی ہسپتال مستونگ کے ایمرجنسی انچارج ثنا ملک کے مطابق ہسپتال لائے گئے 6 زخمی اہلکاروں میں سے 3 کی تشویشناک حالت کے پیشِ نظر انہیں علاج کے لیے کوئٹہ منتقل کر دیا گیا ہے۔ واقعے کے بعد پولیس اور سیکیورٹی فورسز نے فرار حملہ آوروں کی تلاش کے لیے علاقے میں سرچ آپریشن شروع کر دیا ہے۔ حملہ کے بعد اپنے بیان میں وزیر داخلہ بلوچستان ضیاء لانگو نے کہا کہ ایسے بزدلانہ حملوں سے ان کے حوصلے پست نہیں کیے جا سکتے اور نہ ہی انہیں ان دھمکیوں و پٹاخوں سے ڈرایا جا سکتا ہے۔
متعلقہ عنوانات
روس یوکرین میں ڈرون جنگ شدت اختیار کرگئی، دونوں جانب بھاری نقصانات
16 November 2026
موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ
16 November 2026
پاسداران انقلاب کا قشم کے جنوب میں امریکی ڈرون قبضے میں لینے کا دعویٰ
16 November 2026
بلاول بھٹو سے صوبائی وزیر مذہبی امور، سینیٹر ضمیر گھمرو اور قائم علی شاہ کی ملاقاتیں
16 November 2026
اسلام آباد ہائیکورٹ نے بری امام ہاؤس سے متعلق بڑا فیصلہ جاری کر دیا
16 November 2026
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی
16 November 2026
بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے
16 November 2026
پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری
16 November 2026