بابراعظم کے نئے گھر کی تعمیر مکمل، والد اعظم صدیق کا جذباتی پیغام

لاہور: قومی کرکٹ ٹیم کے سابق کپتان بابراعظم کے نئے گھر کی تعمیر مکمل ہوچکی ہے، جس پر ان کے والد اعظم صدیق نے جذباتی پیغام جاری کیا ہے۔

سوشل میڈیا پر شیئر کی گئی پوسٹ میں اعظم صدیق نے مصنف خلیل جبران کی تحریر کا اردو ترجمہ لکھا: “گھر بنتے ہیں گھر کے مکینوں سے، خدا خوش ہوتا ہے سجدے میں پڑھی جبینوں سے۔” انہوں نے دعا کی کہ یہ گھر ہمیشہ خوشیوں سے بھرپور اور اللہ کی رحمتوں سے معمور رہے۔

رپورٹس کے مطابق بابراعظم کا یہ جدید نیو کلاسیکل طرزِ تعمیر والا گھر لاہور کے پوش علاقے ڈی ایچ اے فیز 5 میں واقع ہے۔ کشادہ بیڈرومز، وسیع ہالز، مرکزی داخلی دروازے کی نفیس فنشنگ اور خصوصی ٹرافی روم اس کی خاص بات ہیں، جہاں بابراعظم کی کرکٹ کامیابیوں اور اعزازات نمائش کے لیے رکھے گئے ہیں۔