دانش تیمور سے طلاق کی خبریں من گھڑت ہیں: اداکارہ عائزہ خان نے افواہوں کی تردید کر دی

پاکستان شوبز انڈسٹری کی معروف اداکارہ عائزہ خان نے شوہر دانش تیمور سے علیحدگی اور طلاق سے متعلق سوشل میڈیا پر گردش کرنے والی تمام افواہوں کو مسترد کر دیا ہے۔ گزشتہ کچھ عرصے سے سوشل میڈیا پر دونوں کی ازدواجی زندگی اور ممکنہ علیحدگی سے متعلق مختلف قیاس آرائیاں کی جا رہی تھیں، جن کی بنیادی وجہ 8 اگست کو شادی کی سالگرہ اور 14 اگست کے مواقع پر خاندانی تصاویر کا پوسٹ نہ ہونا اور دانش تیمور کے ڈرامے ’ہمراہی‘ کی اسکریننگ پر عائزہ خان کی عدم موجودگی تھی۔ تاہم ایک فین پیج پر علیحدگی کی جھوٹی خبر پر عائزہ خان نے مختصر مگر واضح ردِعمل دیتے ہوئے صرف ’Fake‘ لکھ کر ان تمام افواہوں کا خاتمہ کر دیا ہے۔ یاد رہے کہ عائزہ خان اور دانش تیمور کی شادی کو ایک دہائی سے زائد کا عرصہ ہو چکا ہے اور ان کا شمار پاکستان کی مقبول ترین جوڑیوں میں ہوتا ہے۔