آسٹریلیا کے ٹی ٹوئنٹی ورلڈکپ سکواڈ کا اعلان ، اہم کھلاڑی باہر

کرکٹ آسٹریلیا نے ٹی ٹوئنٹی ورلڈ کپ 2026 کے لیے اپنے حتمی اسکواڈ کا اعلان کر دیا ہے۔ کرکٹ آسٹریلیا کے مطابق فاسٹ بالر پیٹ کمنز انجری کے باعث میگا ایونٹ سے باہر ہو گئے ہیں، جبکہ ان کی جگہ بین ڈارشیوس کو اسکواڈ میں شامل کر لیا گیا ہے۔

آسٹریلوی ٹیم میں ایک اور اہم تبدیلی کے تحت میتھیو شارٹ کی جگہ میتھیو رنشا کو اسکواڈ کا حصہ بنایا گیا ہے۔ ٹی ٹوئنٹی ورلڈ کپ میں آسٹریلیا کی قیادت مچل مارش کریں گے۔

حتمی اسکواڈ میں زیویر بارٹ لیٹ، کوپر کونولی، ٹم ڈیوڈ، بین ڈارشیوس، کیمرون گرین، ناتھن ایلس، ٹریوس ہیڈ، جوش ہیزل وڈ، جوش انگلس، میتھیو کوہن من، گلین میکسویل، میتھیو رنشا، مارکس اسٹوئنس اور ایڈم زمپا شامل ہیں۔

ٹی ٹوئنٹی ورلڈ کپ 2026 کا آغاز 7 فروری سے ہوگا جبکہ ایونٹ 8 مارچ تک بھارت اور سری لنکا میں کھیلا جائے گا۔