4 اکتوبر احتجاج کیس: علیمہ اور عظمیٰ خان اشتہاری قرار، دائمی وارنٹ جاری

اسلام آباد کی انسدادِ دہشت گردی عدالت (ATC) کے جج طاہر عباس سپرا نے 4 اکتوبر کے احتجاج سے متعلق درج مقدمے کی سماعت کرتے ہوئے بانی پی ٹی آئی کی بہنوں علیمہ خان اور عظمیٰ خان کو باقاعدہ اشتہاری قرار دے دیا ہے۔ پولیس کی جانب سے اشتہاری قرار دینے کی قانونی کارروائی کی مکمل رپورٹ عدالت میں جمع کرائے جانے کے بعد فاضل جج نے دونوں متہمین کے دائمی وارنٹِ گرفتاری جاری کرنے کے ساتھ ساتھ ان کی تمام جائیدادوں کی تفصیلات بھی طلب کر لیں۔ واضح رہے کہ علیمہ خان اور عظمیٰ خان کے خلاف احتجاج کے معاملے پر تھانہ کوہسار میں پیکا اور دیگر دفعات کے تحت مقدمہ درج ہے، جس کی مزید سماعت بعد میں کی جائے گی۔