LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

امریکا وینزویلا کے آئل ٹینکر کا تعاقب فوری بند کرے: روس

Web Desk

2 January 2026

روس وینزویلا جانے والے آئل ٹینکر کو بچانے کے لیے کھل کر میدان میں آ گیا ہے اور امریکا کو خبردار کیا ہے کہ وہ بحری جہاز کا تعاقب فوری طور پر بند کرے۔ روس نے سفارتی سطح پر امریکا سے مطالبہ کیا ہے کہ بحرِ اوقیانوس میں موجود وینزویلا کے آئل ٹینکر کا مسلسل پیچھا کرنا بین الاقوامی قوانین کے منافی ہے اور اس سے صورتحال مزید کشیدہ ہو سکتی ہے۔

رپورٹ کے مطابق وینزویلا کا آئل ٹینکر بیلا ون اس وقت بحرِ اوقیانوس میں موجود ہے اور امریکی کوسٹ گارڈ کی گرفت سے بچنے کی کوشش کر رہا ہے، تاہم امریکی افواج گزشتہ تقریباً دو ہفتوں سے اس جہاز کا مسلسل تعاقب کر رہی ہیں۔ امریکا کا مؤقف ہے کہ مذکورہ ٹینکر تیل کی سمگلنگ میں ملوث ہے اور وینزویلا کے لیے غیر قانونی طور پر تیل لے جا رہا ہے۔

امریکی حکام کے مطابق وینزویلا کے تیل کے شعبے پر دباؤ بڑھانے کے لیے صدر ڈونلڈ ٹرمپ کی انتظامیہ نے وینزویلا کے آئل سیکٹر میں سرگرم چار کمپنیوں پر پابندیاں عائد کی تھیں، جن کا مقصد صدر نکولس مادورو پر سیاسی اور معاشی دباؤ میں اضافہ کرنا ہے۔

دوسری جانب روس نے واضح الفاظ میں امریکا کو خبردار کیا ہے کہ وہ اس معاملے میں مداخلت سے باز رہے اور آئل ٹینکر کا تعاقب فوری طور پر ختم کرے، کیونکہ اس نوعیت کی کارروائیاں خطے میں عدم استحکام اور کشیدگی کو بڑھا سکتی ہیں۔

واضح رہے کہ امریکا پہلے ہی وینزویلا پر سخت اقتصادی پابندیاں عائد کر چکا ہے، جبکہ روس وینزویلا کا قریبی اتحادی سمجھا جاتا ہے۔ اس معاملے پر عالمی سطح پر امریکا اور روس کے درمیان تناؤ میں مزید اضافہ دیکھا جا رہا ہے۔