رومانوی منظر پرتنقید، علیزے شاہ ایک بار پھرسوشل میڈیا کی زد میں

اداکارہ علیزے شاہ ایک بار پھر سوشل میڈیا پر بحث کا مرکز بن گئی ہیں، جہاں ان کے نئے ڈرامہ سیریل ‘خواب میرے’ کے ایک کلپ نے تنازع کھڑا کر دیا ہے۔ وائرل ہونے والے منظر میں علیزے شاہ کو گرتے ہوئے دکھایا گیا ہے جبکہ اداکار اظفر رحمٰن انہیں سہارا دیتے نظر آتے ہیں۔ ناظرین کی بڑی تعداد نے اس مخصوص سین میں علیزے شاہ کی اداکاری کو غیر فطری اور غیر متاثر کن قرار دیتے ہوئے اسے تنقید کا نشانہ بنایا ہے۔ جہاں کئی صارفین اداکارہ کی کارکردگی کو کمزور کہہ رہے ہیں، وہیں ان کے مداحوں کا موقف ہے کہ محض ایک مختصر کلپ کی بنیاد پر پوری اداکاری کا فیصلہ کرنا ناانصافی ہے۔