بیرسٹر گوہر اور سہیل آفریدی نے محسن نقوی سے ملاقات خاندان کو اعتماد میں لیے بغیر کی:علیمہ خان 

علیمہ خان نے الزام عائد کیا ہے کہ بیرسٹر گوہر اور سہیل آفریدی نے محسن نقوی سے ملاقات خاندان کو اعتماد میں لیے بغیر کی۔

علیمہ خان کے مطابق مذکورہ ملاقات کے بارے میں نہ تو خاندان کو آگاہ کیا گیا اور نہ ہی اس میں خاندان کا کوئی فرد موجود تھا، جو ان کے بقول ایک غیر معمولی صورتحال ہے۔

انہوں نے کہا کہ پارٹی یا خاندان کے اہم معاملات میں شفافیت ضروری ہے اور اس نوعیت کی ملاقاتوں سے غلط فہمیاں پیدا ہوتی ہیں۔

دوسری جانب مرکزی سیکریٹری اطلاعات پی ٹی آئی شیخ وقاص اکرم نے ملاقات کی تصدیق کرتے ہوئے بتایا کہ یہ ملاقات 14 مئی کو ہوئی تھی جس میں امن و امان سے متعلق امور پر تبادلہ خیال کیا گیا۔

انہوں نے کہا کہ یہ ملاقات حکومتی اور سیکیورٹی معاملات کے تناظر میں تھی اور اس کا مقصد صورتحال پر بات چیت تھا۔