آزاد کشمیر انتخابات کا دوسرا مرحلہ، 21 کامیاب امیدواروں کا نوٹیفکیشن جاری

آزاد جموں و کشمیر الیکشن کمیشن نے عام انتخابات کے دوسرے مرحلے میں مظفرآباد ڈویژن کی 9 اور پاکستان میں مقیم کشمیری مہاجرین کی 12 نشستوں سمیت مجموعی طور پر 21 کامیاب امیدواروں کا باضابطہ سرکاری نوٹیفکیشن جاری کر دیا ہے۔ الیکشن کمیشن کے جاری کردہ نتائج کے مطابق مظفرآباد ڈویژن سے شاہ غلام قادر، میاں عبدالوحید، نورین عارف، سید بازل علی نقوی، فاروق حیدر خان اور دیوان علی خان چغتائی سمیت دیگر رہنما کامیاب قرار پائے ہیں۔ اس کے علاوہ مقیمِ پاکستان کشمیری مہاجرین کی 12 نشستوں (جموں اور کشمیر ویلی) کے منتخب ارکان اسمبلی کے نوٹیفکیشن بھی جاری کر دیے گئے ہیں۔

نوٹیفکیشن کے بعد آزاد کشمیر اسمبلی کے انتخابات کا عمل مکمل ہو گیا ہے۔ واضح رہے کہ شدید بارشوں اور لینڈ سلائیڈنگ کے باعث انتخابی عمل التوا کا شکار ہوا تھا جس کے بعد 4 اگست کو دوبارہ پولنگ کرائی گئی۔ دو مراحل میں مکمل ہونے والے ان عام انتخابات میں پاکستان مسلم لیگ (ن) مجموعی طور پر 24 نشستیں حاصل کر کے پہلے، جبکہ پاکستان پیپلز پارٹی 10 نشستوں کے ساتھ دوسرے نمبر پر رہی ہے۔