ادت نارائن کی پہلی اہلیہ عدالت پہنچیں، گلوکار پر سنگین الزامات عائد
Web Desk
12 February 2026
بھارتی عالمی شہرت یافتہ گلوکار ادت نارائن ایک بار پھر قانونی تنازع کا شکار ہو گئے ہیں اور اس بار مقدمے میں مدمقابل ان کی پہلی اہلیہ ہیں۔
بھارتی میڈیا کے مطابق ادت نارائن کی پہلی اہلیہ رنجنا جھا نے گلوکار کے خلاف بہار کے ضلع سپول کے خواتین پولیس اسٹیشن میں باضابطہ شکایت درج کرائی ہے، جس میں الزام عائد کیا گیا ہے کہ ادت نارائن اور ان کی دوسری اہلیہ دیپا نے رنجنا کی رضامندی اور علم کے بغیر ایک آپریشن کے ذریعے ان کی بچہ دانی نکلوادی تاکہ اولاد نہ ہو سکے۔
رنجنا نے الزام لگایا کہ یہ سازش ادت نارائن، ان کے بھائی سنجے کمار اور لتت نارائن، اور دیپا کے مشترکہ منصوبے کے تحت کی گئی۔ شکایت میں بتایا گیا کہ 1996 میں انہیں علاج کے بہانے دہلی کے ایک اسپتال لے جایا گیا، جہاں ان کی اجازت کے بغیر آپریشن کر کے رحم نکال دیا گیا۔
رنجنا جھا کا کہنا ہے کہ یہ حقیقت انہیں کئی سال بعد ایک طبی معائنے کے دوران معلوم ہوئی، جس سے وہ شدید ذہنی صدمے میں مبتلا ہوئیں۔ رنجنا نے بتایا کہ ان کی اور ادت نارائن کی شادی 7 دسمبر 1984 کو ہوئی اور اگلے ہی سال ادت نارائن اپنے کیریئر کے لیے ممبئی منتقل ہو گئے۔
بعد ازاں میڈیا رپورٹس سے معلوم ہوا کہ ادت نارائن نے دیپا نامی خاتون سے دوسری شادی کر لی، اور ہر بار جب رنجنا نے اس بارے میں سوال کیا تو انہیں گمراہ کیا جاتا رہا۔
یاد رہے کہ ادت نارائن پہلے بھی رنجنا جھا کی جانب سے دائر کیے گئے نان و نفقہ کے مقدمے کا سامنا کر رہے ہیں، جو تاحال عدالت میں زیر سماعت ہے۔ اس نئے کیس پر نہ ادت نارائن اور نہ ہی دیپا نارائن کی جانب سے کوئی باضابطہ ردعمل سامنے آیا ہے۔
قانونی ماہرین کے مطابق اگر الزامات ثابت ہو گئے تو یہ معاملہ فوجداری نوعیت کا سنگین کیس بن سکتا ہے۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
ایران اور روس کے درمیان جوہری تعاون جاری رہے گا: روسی عہدیدار
22 November 2026
پرتگال کے وزیر مملکت اور وزیر خارجہ پاؤلو رینجل پاکستان پہنچ گئے
22 November 2026
پاکستان کی بھارت سمیت تمام ایس سی او ممالک کو مکالمے کی دعوت
22 November 2026
پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ
22 November 2026
قازقستان میں تیزی سے پھیلنے والی پراسرار بیماری کی اطلاعات، سرکاری تفصیلات طلب
22 November 2026