سحر ہاشمی کا بھارتی اداکار سے کیے جانے والے موازنے پر ناقدین کو جواب

پاکستان کی ابھرتی ہوئی اداکارہ اور سوشل میڈیا انفلوئنسر سحر ہاشمی نے اسکرین پر نسبتاً بولڈ مناظر کے باعث ہونے والی شدید تنقید اور بھارتی اداکار عمران ہاشمی سے اپنے موازنے پر کھل کر اظہارِ خیال کیا ہے۔ ایک حالیہ انٹرویو میں اداکارہ نے کہا کہ سکرپٹ اور ہدایت کار کے تخلیقی وژن کے مطابق مناظر عکسبند کروانے پر انہیں نشانہ بنایا گیا، اور ان کا عمران ہاشمی سے موازنہ کرنا انتہائی افسوس ناک اور غیر منطقی ہے۔ سحر ہاشمی کا کہنا تھا کہ اسکرین پر گلے ملنے والی وہ نہ تو پہلی اداکارہ ہیں اور نہ ہی آخری، تاہم مرد اداکاروں کے مقابلے میں صرف انہیں بندوق کی نوک پر رکھنا سمجھ سے باہر ہے۔ انہوں نے آن لائن نفرت انگیز تبصروں سے پہنچنے والی ذہنی اذیت کا اعتراف کرتے ہوئے بتایا کہ ایک وقت ایسا بھی تھا جب وہ راتوں کو روتے ہوئے سوتی تھیں، لیکن ساتھی فنکاروں نے ان کا بھرپور ساتھ دیا۔ اداکارہ نے واضح کیا کہ اس تنازع نے انہیں مستقبل کے لیے زیادہ محتاط رہنے پر مجبور کر دیا ہے اور اگر ناظرین کو ایسے مناظر پسند نہیں، تو وہ اب عوامی جذبات کا احترام کریں گی