معروف بالی وڈ اداکار کو شوٹنگ کے دوران زہریلے کیڑے نے کاٹ لیا، حالت تشویشناک

بالی وڈ اور ہندی سنیما کے معروف اداکار راجیش شرما کو جنوبی بھارت کے سپر اسٹار پربھاس کی نئی آنے والی فلم کی شوٹنگ کے دوران زہریلے کیڑے نے کاٹ لیا، جس کے بعد ان کی حالت بگڑ گئی ہے۔ بھارتی میڈیا رپورٹس کے مطابق اداکار اس وقت کلکتہ کے ڈھاکوریا میں واقع منی پال اسپتال میں زیرِ علاج ہیں۔ اداکارہ سودیپا چٹرجی نے راجیش شرما کے اہلخانہ کی جانب سے سوشل میڈیا پر ایک پریس نوٹ جاری کرتے ہوئے ان کی بگڑتی ہوئی صحت کی تصدیق کی ہے۔

پریس نوٹ کے مطابق یہ افسوسناک واقعہ حیدرآباد کی راموجی فلم سٹی میں پیش آیا جہاں پربھاس کی فلم کی شوٹنگ جاری تھی۔ پیک اپ کے بعد راجیش شرما گھنی جھاڑیوں کے قریب مقامی تکنیکی عملے کے ساتھ گفتگو کر رہے تھے کہ اسی دوران انہیں کسی کیڑے نے کاٹا، جسے انہوں نے معمولی سمجھ کر فوری طبی امداد نہیں لی۔ واقعے کے 6 گھنٹے بعد اداکار کی دائیں ٹانگ میں شدید درد شروع ہوا اور وہ بگڑتی ہوئی حالت کے باوجود کلکتہ کی فلائٹ میں سوار ہو گئے، جہاں سفر کے دوران انہیں تیز بخار ہو گیا اور طبیعت مزید خراب ہو گئی۔

اسپتال کے ڈاکٹروں کے مطابق زہر کا انفیکشن راجیش شرما کے پیر کی انگلیوں سے لے کر گھٹنے تک پھیل چکا ہے اور ٹانگ پر بڑے بڑے چھالے بن گئے ہیں، جبکہ انہیں سانس لینے میں بھی شدید دشواری کا سامنا ہے۔ ڈاکٹروں نے تشویش کا اظہار کیا ہے کہ انفیکشن کی وجہ سے ٹانگ میں خون کا لوتھڑا بن سکتا ہے جو اگر سفر کر کے پھیپھڑوں تک پہنچ گیا تو جان لیوا ثابت ہو سکتا ہے۔ پریس نوٹ میں بتایا گیا ہے کہ راجیش شرما ابھی تک خطرے سے باہر نہیں ہی