سنی اتحاد کونسل کے رہنما صاحبزادہ حامد رضا گرفتار،عدالت پیش ،جیل منتقل

سنی اتحاد کونسل کے رہنما صاحبزادہ حامد رضا کو اسلام آباد پولیس نے فیصل آباد جاتے ہوئے گرفتار کر لیا۔

گرفتاری کی تصدیق سنی اتحاد کونسل کے قائم مقام چیئرمین صاحبزادہ حسن رضا نے کی ہے۔

فیصل آباد کی انسدادِ دہشت گردی عدالت نے 9 مئی کیس میں صاحبزادہ حامد رضا کو 10 سال قید کی سزا سنائی تھی، جس کے بعد پولیس نے ان کی گرفتاری عمل میں لائی۔سنی اتحاد کونسل کے چیئرمین صاحبزادہ حامد رضا کو انسدادِ دہشتگردی عدالت فیصل آباد میں پیش کیا گیا، جہاں عدالت نے انہیں جیل بھجوانے کا حکم دیا

پولیس ذرائع کا کہنا ہے کہ صاحبزادہ حامد رضا کو قانونی کارروائی مکمل ہونے کے بعد متعلقہ حکام کے حوالے کیا جائے گا۔